Te Kura Tuatahi o Tikipunga

Kei te harikoa ngā kaimahi o Te Kura Tuatahi o Tikipunga i Whāngārei nā te mea he tāngata auahi kore katoa rātou. Kei te mōhio rātou mehemea ka noho auahi kore katoa tonu rātou, he tauira pai tērā mō ngā ākonga. He huarahi tino pai tēnei hei tautoko i te hapori ki te whakatenatena i ngā taitamariki auahi kore kia noho pērā tonu rātou. 

 

I tautokohia ētahi kaimahi e ō rātou hoa mahi ki te whakamutu i te kai paipa, i runga i te mōhio ina kite ngā tamariki i ngā kaimahi e kai paipa ana ka rangirua rātou ki ngā kōrero e pā ana ki te kino o te mahi kai paipa. E ai ki ngā rangahau mehemea he nunui te kitenga atu a ngā tamariki i te mahi kai paipa, he nui ake te tūponotanga ka whakaaro ake rātou he pai noa iho te mahi kai paipa. 

 

Ki tā te tumuaki, a Donna Donnelly "Me ārai atu e tātou ā tātou tamariki mokopuna i te tūpeka, kia kore ai rātou e tīmata ki te kai paipa".