Te Kura Tuarua o Flaxmere

He tok​omaha ngā taitamariki e kaipaipa ana i te rohe o Te Matau a Māui, ina koa ko Ngāi Māori me te ira wāhine. I ngā wā katoa he tino wero te rapu i ngā āhuatanga whai hua hei whakaheke i te kaipaipa a ngā taitamariki. I te tau 2008 ka haere Te Poari Hauora o te Rohe o Te Matau a Māui ki Te Kura Tuarua o Flaxmere kia mōhio mai ai rātou mehemea ka whai wāhi te kura ki tētahi tauira kaupapa whakahaere hei āwhina i ngā kura ki te whakatau i te mahi kaipaipa, hei whakauru hoki i te 'ahurea auahi kore'. 

Te whakamahere
Ko ngā whāinga o te kaupapa ko te:

• whakaheke iho i te tokomaha o ngā ākonga e tīmata ana ki te kai paipa
• whakaheke iho i te panatanga o ngā ākonga mō te kai paipa, ā, ka aro kē ki ngā kaupapa hei tautoko, hei āwhina i a rātou ki te whakamutu
• whakapiki ake i te mahi tautoko whakamutu kai paipa i te kura
• arotake i ngā hua ako hei whakamahi mā kura kē.

Te whakatinanatanga
I tohua tētahi kaihautū auahi kore i te kura tuarua o Flaxmere hei mahi tahi me te DHB, ngā ākonga, me ngā kaimahi. Kātahi ka whakaritea he rārangi o ngā tikanga auahi kore o te wā me ngā kaupapa whakaaro e tautuhi ana i ngā whāwhārua.

I whakatūria tētahi rōpū mahi e kīia nei ko Stomp Out Smoking. Ko tōna hanga ko ētahi o ngā kaimahi me ngā ākonga o Te Kura Tuarua o Flaxmere, tētahi nēhi, tētahi kaitūao, me ngā kaimahi o te DHB. Ko ngā whāinga o te rōpū arā ko te:

• hanga kaupapa here auahi kore
• hanga mahere mahi e whakaurua ai ngā tūmomo kaupapa whakaaro
• aroturuki me te whakawhanake i tētahi kaupapa auahi kore tino kaha

Ngā mahinga tae atu ki tēnei wā:

• Kua whakangunguhia tētahi nēhi kia tū ia hei kaiwhakarato Quit Cards kia whakawhiwhia ngā kaimahi ā-kura me ngā ākonga ki te tautoko, ki te awhi me te rongoā nikotīni. Mā te whakangungu i tētahi kaimahi ka taea e ia te āwhina i a ia i te kura, ā, kāore he take kia tonoa tāngata kē ki te haere mai
• Kua whakaratohia ngā rongoā kore utu ki ngā kaimahi me ngā ākonga
• Kua whakatūria tētahi kaupapa here auahi kore i whakaaetia ai e te poari whakahaere
• Kua whakaratohia karere auahi kore hei tautoko i te kaupapa, kia mōhio ai te kura ki ngā take o te wā me ngā kaupapa whakaaro o te wā e pā ana ki te whakahaere tūpeka, pērā me te whakatū wāhi hei whakatairanga i te auahi kore, ngā pānui whakaahua kei roto i te wharekai, me ngā rauemi kei roto i te wharepukapuka
• Kua whakauruhia ngā karere ki ngā momo pāpāho pērā me te pānui ā-kura me te puka whakawhiwhwi taonga
• Kua mahia ngā whakaaturanga me ngā whakaakoranga auahi kore i ngā hui mō ngā kaimahi e pā na ki te waranga nikotīni me te NRT. Nā te nēhi auahi kore nō te DHB i whakahaere. Kua whakaaro hoki rātou kia whakauruhia ngā kōrero whakahaere tūpeka ki ngā ngohe marautanga
• I whakatūria e te tumu whakarae o Quit Group tētahi whakaaturanga e pā ana ki ngā hua o te whakamutu me ngā take hei tautoko hei awhi hoki.

Te arotakenga

Kei te arotakengia tēnei kaupapa e te Eastern Institute of Technology me te HSC

Tae mai ki tēnei wā kua kohikohia ngā raraunga mai i ngā kaimahi ā-kura me ngā uiuitanga mai i ākonga, ā, kua tū hoki ngā hui rōpū aronga

He aha ngā mea pai?

• Ināianei kua mōhio te kura ki ngā painga ake o te tikanga tautoko i tōte tikanga whakawhiu
• Nā runga i ngā painga o tēnei kaupapa kei te mahi tahi te DHB me te Hawke’s Bay Primary Health Organisation ināianei kia ōrite te mahi i Te Kura Tuarua o ngā Kōhine o Hukarere me te Pokapū o ngā Mātua Taitamariki ā ngā rā e heke mai nei

He aha hei whakapai ake?
Kāore te ohu Stomp out Smoking i te mōhiotia whānuitia e te hapori kura. Kua pai ā rātou mahi pērā i te kaupapa here me te mahere mahi hei tautuhi i ngā momo kaupapa whakaaro engari me whakawhānui ake i te whakatairanga o ēnei

Ētahi atu korero
Whakapā atu ki a Karen Hicks, he kaitakawaenga kei te DHB o Te Matau a Māui mō ētahi atu kōrero e pā ana ki te kauapapa nei: Īmērā karen.hicks@hawkesbaydhb.govt.nz Waea: 06 834 1815 torohanga: 4323.