Te Kura Tuarua o Alfriston

Ko te 'katoa o te hauora' te tikanga e whāia ai e Te Kura Tuarua o Alfriston te kaupapa auahi kore. E whai wāhi ana tēnei huarahi o 'te katoa-o-te-tangata' ki te kaupapa here auahi kore o te kura.

He āhua hou tō tēnei kura. Ka tū te whakatuwheratanga i te tau 2004. He mea whakamīharo te kura. Ko tōna hanga, arā, he whare me ngā papa-rua roa e rua e anga atu tētahi ki tētahi, ā, kei waenganui he māra, he ara hīkoi hoki. Ko te marae te mea e kitea tuatahitia i te urunga atu, ā, ka kitea whānuitia atu i ngā wāhi katoa o te kura. Ki tā te tumuaki tuarua a Andrea Tapu, i tā rātou hoahoatanga o te kura, kāore rātou i hiahia kia noho huna te māra. Nō reira kei te tū motuhake te whare i runga i tōna rangatiratanga hei aronga ā-karu mō te kura.
 

He tikanga torowhānui

Ka tukuna ia ākonga ki tētahi o ngā 'whānau' e rima. Mā reira e uru atu ai ki te whānau whānui o ngā kaimahi ā-kura me ngā ākonga, ako ai. He whare whai take tō ia whānau hei whakakotahi i a rātou. Ko tēnei tikanga o te katoa-o-te tangata e whai wāhi atu hoki ki te kaupapa here auahi kore. Ka ako ngā ākonga ki ngā mōrearea o te kai paipa hei wāhanga o te marautanga hauora. Mai i te whakatuwheratanga o te kura kua whakaritea kaupapa here auahi kore, te kī a Andrea Tapu. I taua wā tokorua anake ngā kaiako e kai paipa ana. I te putanga atu o te ture auahi kore ka māmā iho ā rātou mahi. "I te tau 2007 ka whakatū rangahau mātou, nā reira i whakamōhio mai ai he tokoiti noa iho ngā ākonga kai paipa".        

Kei te whakapono mārika a Andrea ki ngā karere auahi kore.
"He nui te mōhiotanga o ngā ākonga, engari ki tā ngā kōtiro Māori kōrero he pai tonu te kai paipa. Ko rātou te rōpū nui rawa e taka ana ki te hē. Kāore mātou i te mōhio me aha". 

Kei te mōhio a Andrea ki ngā rerekētanga o ngā whanonga kei waenganui ngā i kōtiro me ngā tama i a rātou e kai paipa ana i te kura. "He nui ake te tūponotanga e kitea ai ngā tama e kai paipa ana! He pai ake ngā kōtiro ki te huna. He haumanu ā mātou whiunga, nō reira ka whakarite mātou i ngā mahi mā ngā ākonga e titiro ana ki te pānga o te mahi kai paipa ki te hauora."

I te tau 2008 ka whakawhiwhia a Alfriston College e Mana Whenua i Tamaki Makaurau ki ngā pou e iwa i tāngia ai ki runga i ētahi papanga. He ohu a 'Mana Whenua' o ngā hapū kei roto i te rohe o Manukau. He tohu aua pou o ō rātou uara hauora. I whakawhiwhia ngā pou ki tētahi hui motuhake i whakamārama ai a Nganeko Minhinnick nō Mana Whenua i ngā āhuatanga o aua uara hauora

"He angitu nui tēnei mō te whakawhanaungatanga kei waenganui i a mātou me te kura, hei whakaawe hoki i ngā whakaaro o ngā ākonga ki te hauora", te kī a Nganeko

"Kei te hanga tonutia te whare o te marae", te kī a Andrea Tapu. "Tēnā pea ka whakaurua ngā pou ki te whare." Kei te harikoa a Andrea ki te kōwhiringa o te whakaakoranga tūmatanui me te kaupapa here a te kura e pā ana ki te hauora o ngā ākonga. Ka taea e au te tatau i ngā ākonga kai paipa, i whakamōhiotia ai ō rātou mātua e mātou, ki te ringa kotahi.  

Ngā akoranga matua

• Whakaurua ngā hua o te auahi koretanga ki te marautanga ā-kura
• Honoa te kai paipa ki te hauora
• Kia haumanu te whiunga

Hangaia he whakahoatanga kei waenganui i te kura me ngā ratonga hauora