Te Kura o Manaia View

He tauira pai Te Kura o Manaia i Whāngārei mō te hanga kaupapa whakaaro whai take e hāngai ana ki te kura me te iwi kāinga.

Kei te mahi tahi te kaupapa nei me te HSC me ētahi atu tari whakahaere, engari nō te kura te rangatiratanga i te mea nā rātou te kaupapa i whakawhanake, i whakahaere hoki hei kaupapa tino pai mō te iwi kāinga.

I whakawhanakehia ngā kaupapa here mā te whakamahi i te puka He Aratohu mō te Kura Auahi Kore. E hāngai ana tēnei puka ki te anga HSC. He kura whakatairanga hauora Te Kura o Manaia View. Ka komokomotia taua anga i te whanaketanga o te kaupapa.

Hāunga ko te hanga kaupapa here, i whakangunguhia te tokorua o ngā kaimahi hei 'Kaiako Whakamutu' i a rātou i te kāinga i ngā rā whakatā. Ināianei, tautoko ai rāua i ngā kaimahi, ngā mātua, tae atu ki te iwi kāinga e hiahia nei ki te whakamutu.   

Ko te hīkoi te tikanga hei whakauru i te whānau

Ka tū tētahi hīkoi huri noa i ngā tiriti e pātata atu ki te kura hei whakanui i te kaupapa auahi kore, ā, i reira tētahi wāhi i hui tahi ai te iwi kāinga i raro i te kaupapa whai take. I hīkoi hoki a Awa Reeder nō te pēne Nesian Mystik, ā, i te tino harikoa ngā ākonga, ngā kaimahi me te tokomaha o ngā mātua i te kitenga atu. Nā ngā tari whakahaere i whakatū wāhi pārekareka hei whakanui i ngā take hauora kē pērā i te horoi ringaringa.

Hei whakakapi i te hīkoi ka tukuna e ia ākonga o te kura ngā poihau auahi kore kia rere.

Ka whakahoahoa ngā ākonga i ngā haki auahi kore, ā, ka tohua tētahi hei haki auahi kore mō te kura. Ka tū hoki tētahi whakataetae hanga whakataukī. I toa te whakataukī e whai ake nei "Smoking……ya gotta be joking!"  I titoa hoki tētahi waiata whakahirahira mō te rā. Ka hoatu e HSC ētahi kete rauemi i te reo Ingarihi me te reo Māori ki ia akomanga.

I mua i te hīkoi ka whakatikatika/whakapaipai ētahi o ngā ākonga i ō rātou tiriti mō te hīkoi kia tū ngākau whakpuke rātou ki tō rātou hapori. Ka whakapaohotia tētahi whakatairanga i te teihana Channel North TV i ngā rā tae atu ki te rā hīkoi.    

Ngā hua

Ko ngā hua ka puta, arā, kua whakangunguhia ētahi tāngata hei kaiako whakamutu; kei ia akomanga ngā rauemi; kua taunga te iwi kāinga ki te kaupapa. Kei te kōrero tahi ētahi atu tari whakahaere me te kura. Kua whakapiki ake te matatau o te iwi kāinga ki te auahi koretanga hei kaupapa hauora tino pai rawa.