Te Kura o Corinna

He kura whakatairanga hauora te Kura o Corinna i Porirua e kitea ai ngā hua o te rauemi ako auahi kore mō ngā ākonga tau 7 me te 8, ā, e taea ai e rātou te tātari i ngā kōrero me ngā take hei whakatau tika i te auahi koretanga. E kī ana a Caro Begg nō Te Kura o Corinna, kei te āwhina te rauemi ki te whakapakari i te manahau o ngā ākonga, arā te tikanga hei whakamana i ngā ākonga kia pai ā rātou whiringa.  

Ki tā Caro he pai ngā mahi pakirehua e whitiwhiti whakaaro ai ngā ākonga mō ngā pātai ka puta i ngā pakiwaitara. "I whakatakoto ngā pakiwaitara i ngā wero mā ngā tamariki, ā, ko te tūmanako ka kawea e rātou i a rātou e whai whakaaro ana ki ngā kōwhiringa uaua." 

Ko tētahi o ngā korero e pā ana ki a Old Mitch. Ka tonoa tētahi atu tama, a Ngākau, e ia kia hokona he kaipaipa māna, engari tē hiahia a Ngākau. Ka whitiwhiti whakaaro ngā ākonga a Caro kia mōhio ai rātou mehemea e tika ana kia tautokohia a Old Mitch e te whānau, ko te whakamutu kaipaipa te take, kāore rānei.  

He hiranga ki a au te whakamahinga a ngā ākonga i te kupu 'bystander', ka ngana mātou kia whakamōhiotia ngā ākonga ki te kore rātou e whai whakaaro mō te whakataunga ka haere tahi rātou me te raruraru. Nō reira he mārama ngā ākonga ki te pānga o te mōhiotanga, e ngana ana mātou kia whāia e rātou tēnei āhuatanga ako.

He pārekareka ki ngā ākonga te whakatau i te utu mō ngā hikareti a Old Mitch, ā, he aha hoki te moni ka penapenatia e ia mēnā ka mutu i a ia. Ki tā Caro he tino pai te whakamahi i te rauemi hei horopaki pāngarau. Nā reira i tūturu ai te mahi.

Ka kōrerorero ngā ākonga mō te aki ā-hoa me te whakaawetanga o ngā tāngata pakeke ake, pērā i te kōrero mō Old Mitch. " He whānau whānui ō te tokomaha o ā mātou tamariki, he mātua kēkē, he whaea kēkē te katoa o ngā pakeke ki a rātou, ā, mā tēnei whanaungatanga e whakaawe ngā whakatau a ngā ākonga. Ehara ēnei whakatau i te mahi ngāwari, he uaua kē i runga i te mahi ā-ngākau.

Ka kī a Caro, kāore ia mō te kauhau ki ngā ākonga me ō rātou whānau kia whakamutu i te mahi kai paipa. Ko te takune ako kē he whakatau i te mōhiotanga i hua ake ai i te pakiwaitara, te whakapakari hoki i te reo matatini me ngā pūkenga kia taea e rātou ngā taumata hei tāngata mātau.