Te Kura Tuarua o Kāpiti

Kōrero o Mua

Watch Mark Hammond's story: Too Cool to Smoke,
on Campbell Live 12 September 2008

'Tō kaha hoki!'

Nā te whakatū o tēnei kaupapa nui whakaharahara i whakahihiko te ngākau o te hunga pāpāho. Nā Mark Hammond tētehi o ngā ākonga o te kura tuarua o Kāpiti te kaupapa i tīmata i te tau 2007.

Ka kite a Mark i te pikinga haere ake a ngā ākonga e kai paipa ana, ka whakatau ia kia whakarite mahere rautaki.

Nā tana rautaki ka puta te Anti Smoking Planning Action Workshop (ASPAW) ( 139Kb), mō ngā ākonga o Te Kura Tuarua o Kāpiti.

Te Whakamahere

E rua marama ia e rangahau ana, e tuhituhi ana hoki i te rautaki. Ka kōrero ia ki ngā rōpū o te Cancer Society me te Regional Public Health. Ka kōrero tahi hoki ia me te tokotoru o ngā ākonga kaipaipa mō tētehi huarahi whakamutu hei whai mā rātou.

E whai wāhi atu ana te mahere rautaki whakamutunga ki tana rangahau, ki tētehi tono e hāngai ana ki ASPAW, ki ngā tikanga whakaaturanga (publicity measures), me te utu hei whakatinana i te mahere. Ka whakatakotoria hoki e te mahere ngā take hei whakarerekē i te āhuatanga o te marautanga hauora ā-kura kia ngākau nui ai te hunga taiohi ki te kaupapa.

Kāore te mahere i aro ki ngā kino o te mahi kai paipa pērā me ētehi rīpene whakaataata, engari anō ka aro kē ki ngā hua o te kaupapa auahi kore e hāngai ana ki te hunga taiohi pērā i te pupuritanga i te moni, te whānau ora, te whakatauiratanga me te oranga pai.

Kei roto i te mahere ētehi whakaahua, hoahoatanga hoki hei tautoko i tana rangahau. Ka herea te mahere hei pukapuka rawe. Mīharo katoa te tumuaki ki ngā āhuatanga katoa o te mahere. Kātahi ka whakaaetia te whakatinanatanga o te mahere e te Poari.

I whai wāhi atu te mahere ki te whakatū i tētehi rōpū kaitohutohu auahi kore, te whakatū i ngā pou tohu auahi kore, me te whakatinanatanga o te hōtaka ASPAW hei āwhina i ngā ākonga ki te whakamutu.

Te Whakatinanatanga

I te tuatahitanga ka whakatūria te rōpu kaitohutohu. He ākonga katoa tōna hanga. Nā wai rā, ka noho rātou hei kaiakopono (mentors) mō te hōtaka ASPAW. Ko tā rātou whāinga he tautoko i te whakawhanaketanga a te mahere rautaki me te whakahaeretanga a te akoranga ASPAW.

Nā rātou i mātua whakarite te whakatūnga a ngā tohu ki ngā kēti o mua, o muri hoki i te kura. Nā Mark me ētehi atu ākonga tokorua te puka mō te akoranga ASPAW i tuhituhi. Kotahi anake te utu mō taua mahi, arā mō te tānga noa iho. Nā te tahua (budget) hauora ā-kura taua utu i ea.

E toru ngā akoranga ASPAW i tū i roto i ngā wiki e rua. E pā ana te akoranga tuatahi ki ngā hua o te kaupapa auahi kore ki tā te hunga taiohi, pērā i te moni, me te āhua o te tangata kaipaipa. E pā ana te akoranga tuarua ki ngā mate ka pāngia e te tangata inā whakamutu ai, ngā mea ka whakatīmata anō ia, tētehi rautaki āwhina me te rā kua whakaritea kia mutu ngā ākonga. I ngā wā katoa tū ai te akoranga tuatoru i taua rā whakamutu tonu. Ka kōrero tahi rātou me ngā kaiakopono mō ō rātou kare ā-roto, āwangawanga me ērā mea katoa.

Mehemea ka mau ngā ākonga e kai paipa ana ka taea e rātou te whakauru i a rātou anō ki ngā akoranga, ka whakaurua rānei rātou e ngā pouako. I a rātou te tikanga kia noho rarau tonu whai muri i te wā kura, kia whakauru rānei rātou ki te akoranga ASPAW. I whakauru ai te nuinga ki te akoranga ASPAW.

Nā ngā hui kaimahi, ngā hui ā-kura, ngā kāri mōhiohio, me ngā pānui whakaahua te akoranga a ASPAW i whakatairanga.

Arotakenga

Ngā Painga

Nā te whai i te pūnaha o ASPAW e tautokohia ana e te mahere rautaki i hua ai ngā painga, arā, te whakatinanatanga me te whakatairanga.

He tino pai rawa atu te akoranga mō ngā ākonga tēina e kai paipa ana mō te wā poto. Kāore ngā ākonga katoa i whakamutu engari ka ngana rātou katoa. I whakarerekētia ngā waiaro o ngā ākonga e te akoranga nā te aronga ki ngā mea pai ki te hunga taiohi.

Ngā Āhuatanga Hei Whakakaha Ake

Kei te whakapono a Mark ka pai ake mēnā ka hāngai atu te akoranga ki te oranga o te hunga taiohi. Ināianei kua wehe a Mark i te kura engari nā te tokorua o ngā kaiakopono ōna pūtu i whakakī. Kei te kōrero a Mark ki Te Kura Tuarua o Te Awakairangi (Hutt Valley High School) kia āwhinatia te whakatū akoranga ōrite. Ko āna tohutohu ki kura kē he whai i tētehi huarahi hou pērā i tō rātou kura. Ko tā Mark, "Mehemea he raru kai paipa tō te kura, whāia he akoranga pērā i a ASPAW. He take hauora te mahi kai paipa, kāore e taea te karo mā te whuinga tawhito pērā i te noho rarau i te kura."